സോഷ്യൽ മീഡിയിൽ ചർച്ചയായി ‘പ്രതിഛായ’; ഉണ്ണികൃഷ്ണൻ ബി ചിത്രം മുൻമുഖ്യമന്ത്രിയുടെ ജീവിതകഥയോ?

രണ്ട് റഫറൻസ് ചിത്രങ്ങൾ വെച്ചുള്ള പോസ്റ്റുകളാണ് ഇപ്പോൾ സോഷ്യൽ മീഡിയയിൽ ചർച്ചയായിക്കൊണ്ടിരിക്കുന്നത്. നിവിൻ പോളി – ഉണ്ണികൃഷ്ണൻ ബി ചിത്രമായ പ്രതിഛായ മുൻമുഖ്യമന്ത്രി ഉമ്മൻചാണ്ടിയുടെ കഥയാണോ എന്നതാണ് ചോദ്യം. അതിനാസ്പദമായ രണ്ട് ചിത്രങ്ങളാണ് സിനിമ ട്രാക്കർമാർ കണ്ടെത്തിയിരിക്കുന്നത്. ഒന്ന് നെറ്റിയിൽ മുറിവുമായി നിൽക്കുന്ന ഉമ്മൻചാണ്ടിയുടേയും ബാലചന്ദ്രമേനോന്റേയും ചിത്രം. മറ്റൊന്ന് ഉമ്മൻചാണ്ടിയുടെ കല്ലറയ്ക്ക് സമാനമായ ചിത്രവും. ഈ നാല് ചിത്രങ്ങൾ ചേർത്തുവച്ചാണ് ഇപ്പോൾ സിനിമാ പ്രേമികൾ ഡീക്കോഡിം​ഗ് ചെയ്യുന്നത്.

ഉമ്മൻ ചാണ്ടിയുട ജീവിതകഥയല്ല ഈ സിനിമ എന്ന് തിരക്കഥാകൃത്തും സംവിധായകനുമായ ബി.ഉണ്ണികൃഷ്ണൻ പറയുമ്പോഴും അത്തരത്തിലുള്ള ചർച്ചകൾ സജീവമാവുകയാണ്. ബാലചന്ദ്രമേനോൻ, ഷറഫുദ്ധീൻ, ആൻ അ​ഗസ്റ്റിൻ, ഹരിശ്രീ അശോകൻ, മണിയൻപിള്ള രാജു, നീതു കൃഷ്ണ, സബിത ആനന്ദ്, വിഷ്ണു അ​ഗസ്ത്യ, നിശാന്ത് സാ​ഗർ, ആർജെ വിജിത, സായ് കുമാർ, വൈശാഖ് ശങ്കർ, മേഖ തോമസ് , ചിരാ​ഗ് ജാനി, അനീന, നന്ദിനി ​ഗോപാലകൃഷ്ണൻ, ചിലമ്പൻ ജോസ് തുടങ്ങിയവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.

ശ്രീ​ഗോകുലം മൂവീസിന്റെ ബാനറിൽ ​ഗോകുലം ​ഗോപാലനും ആർഡി ഇലുമിനേഷൻസ് എൽഎൽപിയും ചേർന്നാണ് സിനിമ നിർമ്മിച്ചിരിക്കുന്നത്. ചന്ദ്രു സെൽവരാജ് ആണ് ചിത്രത്തിന്റെ ഛായാ​ഗ്രഹണം. സം​ഗീതം നിർവഹിക്കുന്നത് ജസ്റ്റിൻ വർ​ഗീസ്. ബൈജു ഗോപാലൻ, വി.സി പ്രവീൺ എന്നിവർ സഹനിർമാതാക്കൾ ആകുന്ന ചിത്രത്തിന്റെ എക്സിക്യൂട്ടീവ് പ്രൊഡ്യൂസർമാർ കൃഷ്ണമൂർത്തി, ദുർഗ ഉണ്ണികൃഷ്ണൻ എന്നിവരാണ്. മാർച്ച് 26ന് ചിത്രം തിയേറ്ററുകളിലെത്തും.

#OommenChandy connection in #Prathichaya 👀 pic.twitter.com/SqOvtUSHR2

— AB George (@AbGeorge_) March 25, 2026

Story Highlights : Viral discussion on social media about ‘Pratichaya’ movie