വി ഡി സതീശൻ്റെ അഭിമുഖം ഫെയ്സ്ബുക്കിൽ പുനഃസ്ഥാപിച്ചു

പ്രതിപക്ഷനേതാവ് വി ഡി സതീശൻ്റെ അഭിമുഖം ഫെയ്സ്ബുക്കിൽ പുനഃസ്ഥാപിച്ചു. തിരഞ്ഞെടുപ്പ് കമ്മീഷൻ്റെ ഇടപെടലിനെ തുടർന്നാണ് നടപടി. മനോരമയുടെ എഫ്ബി പേജിൽ നിന്നാണ് വീഡിയോ ഒഴിവാക്കിയിരുന്നത്. പൊലീസിന്റെ ആവശ്യപ്രകാരമാണ് മെറ്റയുടെ നടപടി. അഭിമുഖം നീക്കം ചെയ്തത് വിവാദമായിരുന്നു. കമൻ്റുകൾ നീക്കം ചെയ്യാനുള്ള അപേക്ഷയിൽ പോസ്റ്റ് റിമൂവ് ചെയ്യുകയായിരുന്നുവെന്നാണ് തിരഞ്ഞെടുപ്പ് കമ്മീഷൻ്റെ വിശദീകരണം. പോസ്റ്റ് നീക്കം ചെയ്ത നടപടി ഒഴിവാക്കണമെന്ന് പൊലീസ് മെറ്റയോട് ആവശ്യപ്പെട്ടിരുന്നുവെന്നും മുഖ്യ തിരഞ്ഞെടുപ്പ് കമ്മീഷ്ണർ രത്തൻ യു ഖേൽക്കർ വ്യക്തമാക്കിയിരുന്നു. തൻ്റെ ഇൻ്റർവ്യൂ വീഡിയോ നീക്കം ചെയ്യാൻ പൊലീസിന് എന്ത് അവകാശമാണുള്ളതെന്ന് വി‍.ഡി സതീശൻ ചോദിച്ചു. പൊലീസ് ആവശ്യപ്പെട്ടിട്ടാണ് മെറ്റ നീക്കം ചെയ്തതെന്നും എന്തിനാണ് ഭയക്കുന്നതെന്നും സതീശൻ കുറ്റപ്പെടുത്തിയിരുന്നു.

Story Highlights : V D Satheesan’s interview restored on Facebook