ഇടുക്കിയില് 15 വയസുകാരനോട് പിതാവിന്റെ ക്രൂരത; മദ്യലഹരിയില് കുട്ടിയെ ക്രൂരമായി മര്ദിച്ചു
1 minute Read
ഇടുക്കി ഉടുമ്പന്നൂരില് 15 വയസുള്ള മകനോട് പിതാവിന്റെ ക്രൂരത. മദ്യലഹരിയില് എത്തിയ പിതാവ് കുട്ടിയെ ക്രൂരമായി മര്ദ്ദിച്ചു. സംഭവത്തില് ഉടമ്പന്നൂര് സ്വദേശി നജീബിനെ കരിമണ്ണൂര് പോലീസ് കസ്റ്റഡിയിലെടുത്തു.
ഇന്നലെ രാത്രിയാണ് സംഭവം. മദ്യപിച്ച് വീട്ടിലെത്തിയ നജീബ് ബഹളമുണ്ടാക്കി. തുടര്ന്ന് ഭാര്യ ചോദ്യം ചെയ്തതോടെ അക്രമാസക്തനായി. 15 വയസുള്ള മകന് അന്ഷാദിനെ കസേര കൊണ്ടും വടികൊണ്ടും ക്രൂരമായി മര്ദ്ദിച്ചു. ഭാര്യക്ക് നേരെയും ആക്രമണ ശ്രമം ഉണ്ടായി. മര്ദ്ദനമേറ്റ അന്ഷാദ് വീട്ടില്നിന്ന് ഇറങ്ങി ഓടുകയായിരുന്നു.
ഭാര്യ നല്കിയ പരാതിയുടെ അടിസ്ഥാനത്തില് കരിമണ്ണൂര് പൊലീസ് നജീബിനെ കസ്റ്റഡിയിലെടുത്തു. ശരീരത്ത് ഗുരുതരമായി പരുക്കേറ്റ അന്ഷാദ് ചികിത്സയില് തുടരുകയാണ്.
Story Highlights : Father’s cruelty to 15-year-old boy in Idukki
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English