‘പോപ്പ് രാഷ്ട്രീയക്കാരനാകാല്ല, മഹാനായ മാർപാപ്പയാകാനാണ് ശ്രദ്ധ കേന്ദ്രീകരിക്കേണ്ടത്’; മാർപാപ്പയ്ക്കെതിരെ ട്രംപ്

യുദ്ധത്തിനെതിരെ, പ്രതികരണം നടത്തിയ ലിയോ പതിനാലാമൻ മാർപാപ്പയ്ക്കെതിരെ രൂക്ഷവിമർശനവുമായി ഡോണൾഡ് ട്രംപ്.
രാഷ്ട്രീയക്കാരനാകാല്ല, മഹാനായ മാർപാപ്പയാകാനാണ് ശ്രദ്ധ കേന്ദ്രീകരിക്കേണ്ടതെന്ന് ട്രംപ് സമൂഹമാധ്യമപ്ലാറ്റ്ഫോമായ ട്രൂത്ത് സോഷ്യലിൽ ട്രംപ് പറഞ്ഞു. അമേരിക്കൻ പ്രസിഡന്റിനെ വിമർശിക്കുന്ന ഒരു മാർപാപ്പയെ തനിക്ക് വേണ്ട. ലിയോ മാർപാപ്പ തന്നോട് നന്ദിയുള്ളവനായിരിക്കണം. ഒരു അമേരിക്കക്കാരനായതിനാൽ മാത്രമാണ് സഭ ലിയോയെ മാർപാപ്പ ആക്കിയതെന്നും ട്രംപ് പറയുന്നു.

ഇറാന് ആണവായുധം ഉണ്ടായിരിക്കുന്നത് ശരിയാണെന്ന് കരുതുന്ന ഒരു പോപ്പിനെ തനിക്ക് വേണ്ടെന്ന് ട്രംപ്. അമേരിക്കയിലേക്ക് മയക്കുമരുന്ന് കടത്തുന്ന വെനിസ്വേലയെ അമേരിക്ക ആക്രമിച്ചത് ഭയാനകമാണെന്ന് കരുതുന്ന ഒരു പോപ്പിനെ തനിക്ക് വേണ്ട. താനുമായി ഇടപെടാനുള്ള ഏറ്റവും നല്ല മാർഗമാണെന്ന് സഭ കരുതിയതിനാലാണ് ലിയോയെ മാർപാപ്പ ആക്കിയതെന്നും ട്രംപ് പറഞ്ഞു.

Read Also: നിലപാട് കടുപ്പിച്ച് അമേരിക്ക; ഹോര്‍മുസ് കടലിടുക്ക് ഉപരോധിക്കാന്‍ അമേരിക്കന്‍ നേവിക്ക് നിര്‍ദേശം നല്‍കി ഡോണള്‍ഡ് ട്രംപ്

“താൻ വൈറ്റ് ഹൗസിൽ ഇല്ലായിരുന്നുവെങ്കിൽ, ലിയോ വത്തിക്കാനിൽ ഉണ്ടാകുമായിരുന്നില്ല” എന്നായിരുന്നു ട്രംപിന്റെ പരാമർ‌ശം. മാർപാപ്പ സാമാന്യബുദ്ധി ഉപയോഗിക്കണമെന്നും ഇടതുപക്ഷത്തെ പിന്തുണയ്ക്കുന്നത് നിർത്തണമെന്നും ട്രംപ് ആവശ്യപ്പെട്ടു.

Story Highlights : US ​President Donald Trump against Pope Leo