‘ജെൻസി വോട്ടർമാർ കൂടെ നിൽക്കുമെന്ന് കരുതേണ്ട, തമിഴ്നാട്ടിലും യൂത്ത് ഐക്കൺ നരേന്ദ്രമോദി’; വിജയ്‌യെ പരിഹസിച്ച് അണ്ണാമലൈ

വിജയ്‌യെ പരിഹസിച്ച് ബിജെപി മുൻ സംസ്ഥാന അധ്യക്ഷൻ കെ അണ്ണാമലൈ. താരം എന്ന നിലയിൽ ജെൻസി വോട്ടർമാരും സ്ത്രീകളും കൂടെ നിൽക്കുമെന്ന് കരുതേണ്ട. തമിഴ്നാട്ടിലും യൂത്ത് ഐക്കൺ നരേന്ദ്രമോദിയാണ്. മോദി യുവാക്കളെ ആകർഷിക്കുന്നത് പ്രായം കൊണ്ടല്ല, അദ്ദേഹത്തിന്റെ പ്രവർത്തി കൊണ്ടെന്നും അണ്ണാമലൈ വ്യകത്മാക്കി.

പല പാർട്ടികാർക്കും തങ്ങളുടെ വോട്ട് വിഹിതം കുറയും. പ്രത്യേകിച്ചും ടിവികെയ്ക്ക്. മോദി യുവാക്കളെ ആകർഷിക്കുന്നത് പ്രായം കൊണ്ടല്ല, അദ്ദേഹത്തിൻ്റെ പ്രവർത്തികൊണ്ടാണെന്നും അണ്ണാമലൈ പറഞ്ഞു. എൻഡിഎ അധ്വാനിച്ചതിൻ്റെ ഫലം കിട്ടുമെന്നാണ് പ്രതീക്ഷ. തമിഴ്നാടിനോട് മോദിയുടെ സ്നേഹം ജനത്തിന് അറിയാമെന്നും അണ്ണാമലൈ പറഞ്ഞു.

DMK കരൂരിലും മറ്റും വോട്ടിന് സ്വർണവും പണവും ഉൾപ്പെടെ നൽകുന്നു. സുതാര്യമായ തിരഞ്ഞെടുപ്പ് ആണ് വേണ്ടത്. 84000 ത്തോളം സുരക്ഷാ ഉദ്യോഗസ്ഥർ തമിഴ്നാട്ടിൽ തിരഞ്ഞെടുപ്പിൽ ഉണ്ട്. കേരളത്തിലേത് പോലെ ഇവിടെയും തിരഞ്ഞെടുപ്പ് ശാന്തമാണെന്നും അണ്ണാമലൈ ചൂണ്ടിക്കാട്ടി.

Story Highlights : k annamalai mocks tvk vijay on election