വര്‍ക്കലയില്‍ വീണ്ടും ഓണ്‍ലൈന്‍ ടാക്‌സി ഡ്രൈവറെ തടഞ്ഞു; ടയറുകളില്‍ അള്ള് വെച്ച് പ്രാദേശിക ടാക്‌സി ഡ്രൈവര്‍മാര്‍

തിരുവനന്തപുരം വർക്കലയിൽ ഓൺലൈൻ ടാക്സി ഡ്രൈവറെ തടഞ്ഞുനിർത്തി
ആക്രമിക്കാൻ ശ്രമിച്ചെന്ന് പരാതി. പത്തനംതിട്ട സ്വദേശി റിയാസിനെയാണ് പ്രാദേശിക ടാക്സി ഡ്രൈവർമാർ തടഞ്ഞത്. ടയറുകളിൽ അള്ള് വെച്ച് അപായപ്പെടുത്താൻ ശ്രമിച്ചു. കഴിഞ്ഞദിവസവും സ്വകാര്യ ടൂർ ഓപ്പറേറ്ററെ വർക്കലയിൽ തടഞ്ഞതായി ആരോപണം ഉയർന്നിരുന്നു. ഈ മാസം 18ന് വർക്കല ഹെലിപാടിന് സമീപത്തായിരുന്നു സംഭവം.

വർക്കലയിൽ നിന്ന് ടൂറിസ്റ്റുകളുടെ ആലപ്പുഴയിലേക്ക് പോകാനായി തയ്യാറെടുക്കുമ്പോഴായിരുന്നു സംഭവം. വണ്ടി മുന്നോട്ടെടുത്ത റിയാസിനെ പ്രാദേശിക ടാക്സി ഡ്രൈവർമാർ തടയുകയും അസഭ്യം പറയുകയും ചെയ്തു. വാഹനം മുന്നോട്ട് എടുത്തപ്പോൾ അള്ള് വെക്കുകയും ചെയ്തു. ഒരു പൊലീസ് ഉദ്യോഗസ്ഥൻ കൂടി ഇവർക്കൊപ്പം ഉണ്ടായിരുന്നുവെന്നാണ് റിയാസിന്റെ ആരോപണം. ടൂറിസ്റ്റുകളെ കൊണ്ടുപോകാനുള്ള പെർമിറ്റ് വാഹനത്തിന് ഇല്ലെന്ന് പറഞ്ഞ് തടയുകയും ചെയ്തു.

Story Highlights : Online taxi driver stopped again in Varkala; Local taxi drivers slash his tires