തെന്മലയില്‍ കാടിനുള്ളില്‍ മനുഷ്യാസ്ഥികൂടം കണ്ടെത്തി; അസ്ഥികൂടം കണ്ടത് കാട്ടില്‍ വിറക് ശേഖരിക്കാന്‍ പോയവര്‍

കൊല്ലം തെന്മലയില്‍ കാടിനുള്ളില്‍ മനുഷ്യാസ്ഥികൂടം കണ്ടെത്തി. കാട്ടില്‍ വിറക് ശേഖരിക്കാന്‍ പോയവരാണ് അസ്ഥികൂടം കണ്ടത്. ഒരു വര്‍ഷം മുന്‍പ് കാണാതായ ആളെന്നാണ് സംശയം.

തെന്മല ഡാം ജങ്ഷന് സമീപത്തുള്ള ഉന്നതിക്ക് ചേര്‍ന്ന വനപ്രദേശത്താണ് തലയോട്ടിയുള്‍പ്പടെയുള്ള അസ്ഥികൂടാവശിഷ്ടങ്ങള്‍ കണ്ടെത്തിയത്. സമീപത്ത് ചെരിപ്പും വസ്ത്രങ്ങളുമെല്ലാമുണ്ട്. പുരുഷന്റെ അസ്തികൂടമാണെന്നാണ് പൊലീസ് അറിയിച്ചിരിക്കുന്നത്. സമീപത്തെ മരത്തില്‍ ഒരു ദ്രവിച്ച തുണികൂടി കണ്ടെത്തിയിട്ടുണ്ട്. തൂങ്ങി മരിച്ചതാകാമെന്ന പ്രാഥമിക നിഗമനത്തിലാണ് പൊലീസ്.

ഒരു വകര്‍ഷം മുന്‍പ് പ്രദേശത്ത് തന്നെ താമസിച്ചിരുന്ന ഒരു വ്യക്തിയെ കാണാതായിട്ടുണ്ടായിരുന്നു. പരാതിയുടെ അടിസ്ഥാനത്തില്‍ അന്വേഷണം നടന്നു വരികയാണ്. ഇയാളായിരിക്കാമെന്ന സംശയമാണ് പ്രകടിപ്പിക്കുന്നത്. സ്ഥലത്ത് പൊലീസും വനംവകുപ്പും ഫോറന്‍സിക്കുമുള്‍പ്പടെ എത്തിയിട്ടുണ്ട്.

Story Highlights : Human skeleton found in Thenmala forest