കോൺഗ്രസ് സ്ത്രീവിരുദ്ധ പാർട്ടിയാണെന്ന് ശശി തരൂർ പറഞ്ഞെന്ന് കിരൺ റിജിജു; അങ്ങനെ പറഞ്ഞിട്ടില്ലെന്ന് ശശി തരൂർ

വനിത സംവരണ ബില്ലിലെ കോൺഗ്രസ് നിലപാടിനെ ചൊല്ലി കിരൺ റിജിജു – ശശി തരൂർ വാഗ്വാദം. കോൺഗ്രസ് സ്ത്രീവിരുദ്ധ പാർട്ടിയെന്ന് തരൂർ പറഞ്ഞതായി കിരൺ റിജിജു. താൻ അങ്ങനെ പറഞ്ഞിട്ടില്ലെന്നും ഒപ്പം ഉള്ളവർ സാക്ഷികൾ എന്നും എക്സിലൂടെ തരൂരിന്റെ മറുപടി.

വനിതാ സംവരണ ബില്ലിനെച്ചൊല്ലി ഭരണ-പ്രതിപക്ഷ തർക്കം തുടരവെയാണ് ഡോ. ശശി തരൂർ എംപിയും കേന്ദ്രമന്ത്രി കിരൺ റിജിജുവും തമ്മിലുള്ള വാഗ്വാദം. പാർലമെന്റ് പ്രത്യേക സമ്മേളനത്തിന് പിന്നാലെ കോൺഗ്രസ് സ്ത്രീവിരുദ്ധ പാർട്ടിയാണെന്ന് ശശി തരൂർ പറഞ്ഞതായാണ് കിരൺ റിജിജുവിന്റെ പരാമർശം. പ്രതിപക്ഷ നിരയിലെ പ്രധാന നേതാവായ ശശി തരൂർ സ്വന്തം പാർട്ടിയെത്തന്നെ തള്ളിപ്പറഞ്ഞുവെന്ന രീതിയിലായിരുന്നു റിജിജുവിന്റെ പരിഹാസം.

Read Also: മരിച്ച സഹോദരിയുടെ നിക്ഷേപ തുക പിൻവലിക്കാൻ സമ്മതിച്ചില്ല; അസ്ഥികൂടം തോളിലേറ്റി ബാങ്കിൽ കൊണ്ടുപോയി വയോധികൻ

എന്നാൽ, റിജിജുവിന്റെ ആരോപണത്തെ തള്ളി തരൂർ രംഗത്തെത്തി.താൻ അത്തരമൊരു പ്രസ്താവന നടത്തിയിട്ടില്ലെന്ന് തരൂർ എക്‌സിൽ കുറിച്ചു.കോൺഗ്രസ് എല്ലാ കാലവും വനിതാ സംവരണത്തെ പിന്തുണച്ചിട്ടുണ്ടെന്നും. മണ്ഡല പുനർനിർണയം ഇല്ലാതെ ഇപ്പോൾ വനിതാ സംവരണം നടപ്പിലാക്കാൻ തയ്യാറാണെന്നും തരൂർ വ്യക്തമാക്കി. അതിനിടെ 2023ലെ വനിത സംവരണം നടപ്പിലാക്കുന്നത് ചർച്ച ചെയ്യാൻ ഉടൻ സർവ്വകക്ഷി യോഗം വിളിക്കണം എന്നും കോൺഗ്രസ് ആവശ്യപ്പെട്ടു.

Story Highlights : Kiren Rijiju- Shashi Tharoor engage in heated argument over on Women’s Reservation Bill