ഞങ്ങളുടെ കിംഗ് കോലിയുടെ പിന്നില്‍ പാറ പോലെ ഉറച്ചു നില്‍ക്കുന്ന വ്യക്തി; അനുഷ്‌ക ശര്‍മ്മക്ക് ജന്മദിനാശംസ നേര്‍ന്ന് ആര്‍സിബി

റോയല്‍ ചലഞ്ചേഴ്‌സ് ബെംഗളൂരു സ്റ്റാര്‍ ബാറ്റര്‍ വിരാട് കോലിയുടെ പ്രിയ പത്‌നിയും നടിയുമായ അനുഷ്‌ക ശര്‍മ്മക്ക് ജന്മദിനാശംസകള്‍ നേര്‍ന്ന് ആര്‍സിബി അവരുടെ എക്‌സില്‍ കുറിപ്പ് പങ്കിട്ടു. ”അതിശക്തയും കഴിവുള്ളവളുമായ അനുഷ്‌ക ശര്‍മയ്ക്ക് ജന്മദിനാശംസ നേരുന്നു. ഞങ്ങളുടെ കിംഗ് കോഹ്ലിയുടെ പിന്നില്‍ ഒരു പാറപോലെ നില്‍ക്കുന്ന വ്യക്തി”. ഇതായിരുന്നു അനുഷ്‌കക്ക് ആശംസകള്‍ നേര്‍ന്ന് പങ്കുവെച്ച കുറിപ്പ്.

എന്നാല്‍ ആര്‍സിബി അവരുടെ എക്‌സില്‍ പങ്കിട്ട കുറിപ്പിന് കീഴില്‍ ക്രിക്കറ്റ് ആരാധകരുടെ സമ്മിശ്ര പ്രതികരണമാണ് കണ്ടത്. ചിലര്‍ പോസ്റ്റിനെ അഭിനന്ദിക്കുമ്പോള്‍ മറ്റുചിലര്‍ വിമര്‍ശനങ്ങളും രേഖപ്പെടുത്തുന്നുണ്ട്. അനുഷ്‌ക ശര്‍മ്മയെ ആശംസിച്ച് നിരവധി ആരാധകര്‍ രംഗത്തെത്തിയിട്ടുണ്ട്. ആര്‍സിബിയുമായി അനുഷ്‌കക്ക് ഉള്ള ബന്ധം വിരാട് കോലിയിലൂടെയാണെന്നാണ് വിമര്‍ശിക്കുന്ന ഏതാനും ആരാധകരുടെ അഭിപ്രായം. അതേ സമയം ഒരു ടീം അവരുടെ താരത്തിന്റെ പങ്കാളിക്ക് ഇത്തരത്തില്‍ ജന്മദിനാശംസകള്‍ നേരുന്നത് അസാധാരണമാണെന്ന് അഭിപ്രായപ്പെടുന്നവരുമുണ്ട്.

Story Highlights: RCB post For Anushka Sharma’s Birthday