ആർട്ട് ഓഫ് ലിവിങ്ങിന്റെ 45-ാം വാർഷികാഘോഷം: പ്രധാനമന്ത്രി അഭിസംബോധന ചെയ്യും

ആർട്ട് ഓഫ് ലിവിങ്ങിന്റെ 45-ാം വാർഷികാഘോഷത്തിൽ പ്രധാനമന്ത്രി നരേന്ദ്ര മോദി അഭിസംബോധന ചെയ്യും. ആർട്ട് ഓഫ് ലിവിങ്ങിന്റെ 45-ാം വാർഷികാഘോഷങ്ങളിലും സ്ഥാപകൻ ശ്രീ ശ്രീ രവിശങ്കറിന്റെ 70-ാം ജന്മദിനാഘോഷങ്ങളിലും പ്രധാനമന്ത്രി പങ്കെടുക്കും. മേയ് 10-ന് ബെംഗളൂരുവിലെ ആർട്ട് ഓഫ് ലിവിങ് ഇന്റർനാഷണൽ സെന്ററിൽ നടക്കുന്ന പരിപാടിയിലാണ് പ്രധാനമന്ത്രി എത്തുക. ‌അതോടൊപ്പം പുതുതായി നിർമിച്ച ധ്യാൻ മന്ദിറിന്റെ ഉദ്ഘാടനവും ചെയ്യുകയും

മാനസിക ക്ഷേമം, ഗ്രാമവികസനം, പ്രകൃതി സംരക്ഷണം, സാമൂഹിക പരിവർത്തനം എന്നീ മേഖലകളിലെ വർഷം നീളുന്ന ദേശീയ സേവന പദ്ധതികൾ ഉദ്ഘാടനം ചെയ്യുകയും ചെയ്യും. 182 രാജ്യങ്ങളിൽ നിന്നുള്ള പ്രതിനിധികൾ ഓൺലൈനായും ഓഫ്‌ലൈനായും പരിപാടിയിൽ പങ്കെടുക്കും. മേയ് 13-ന് ശ്രീ ശ്രീ രവിശങ്കർ നയിക്കുന്ന ലോകസമാധാനത്തിനായുള്ള ആഗോള ധ്യാന പരിപാടി നടക്കും. ലോകമെമ്പാടുമുള്ളവർക്ക് ലൈവ് സ്ട്രീമിങ് വഴി പങ്കെടുക്കാവുന്നതാണ്.

ഒരു മാസം നീണ്ടുനിൽക്കുന്ന ആഘോഷങ്ങളുടെ ഭാഗമായി ഭരണം, ബിസിനസ്സ്, മാധ്യമം, വിദ്യാഭ്യാസം, കല, സംസ്കാരം എന്നിവയിലെ ധാർമ്മികതയെക്കുറിച്ചുള്ള ആഗോള നേതൃത്വ സംഭാഷണങ്ങളും ഉച്ചകോടികളും നടക്കും. വേൾഡ് ചാമ്പ്യൻഷിപ്പ് ഓഫ് ലെജൻഡ്‌സ്, വേൾഡ് സമ്മിറ്റ് ഓഫ് നോബൽ സമ്മാന ജേതാക്കളുടെ ഫോർ പീസ് – ഏഷ്യ ജനറൽ ഓഫീസ്, ടെലിവിറ്റൽ-ടെലിമെഡിസിൻ, വിആർ അക്കാദമി തുടങ്ങിയ നിരവധി സർക്കാർ ഏജൻസികളും സംഘടനകളും തമ്മിലുള്ള ധാരണാപത്രങ്ങളുടെ പ്രഖ്യാപനം ഉണ്ടാകും. പ്രധാന മേഖലകളിലുടനീളമുള്ള വിപുലമായ സേവന പ്രവർത്തനങ്ങൾക്കൊപ്പം പരിസ്ഥിതി, ജലസംരക്ഷണം, വിദ്യാഭ്യാസം, പ്രാഥമിക ആരോഗ്യ സംരക്ഷണം, സമൂഹ ക്ഷേമവും ലഹരിവിമുക്ത പരിപാടികളും, സ്ത്രീ ശാക്തീകരണം, എന്നിവയും ചർച്ചയാകും. 1981-ൽ ശ്രീ ശ്രീ രവിശങ്കർ സ്ഥാപിച്ച ആർട്ട് ഓഫ് ലിവിങ് ഇന്ന് 182 രാജ്യങ്ങളിൽ സജീവമാണ്.

Story Highlights : PM Modi to address 45th anniversary celebrations of The Art of Living

‌