ബോണസ് തർക്കം: സാംസങ് ഇലക്ട്രോണിക്സിൽ തൊഴിലാളികൾ പണിമുടക്കിലേക്ക്

ദക്ഷിണ കൊറിയൻ മെമ്മറി ചിപ്പ് നിർമ്മാതാക്കളായ സാംസങ് ഇലക്ട്രോണിക്സിൽ തൊഴിലാളികൾ പണിമുടക്കിലേക്ക്. ബോണസ് സംബന്ധിച്ച തർക്കത്തെത്തുടർന്നാണ് സമരം. 48,000 ത്തോളം തൊഴിലാളികളാണ് സമരരം​ഗത്തുള്ളത്. സെമികണ്ടക്ടർ നിർമാണ ഫാക്ടറിയിലെ തൊഴിലാളികളാണ് പണിമുടക്കുക. ആവശ്യങ്ങൾ അം​ഗീകരിച്ചില്ലെങ്കിൽ വ്യാഴാഴ്ച മുതൽ 18 ദിവസത്തേക്ക് പൂർണമായും പണിമുടക്കുമെന്ന് പ്രഖ്യാപനം.

വാർഷിക പ്രവർത്തന ലാഭത്തിന്റെ 15 ശതമാനം തൊഴിലാളികൾക്ക് ബോണസായി വേണമെന്നാണ് യൂണിയന്റെ ആവശ്യം. പണിമുടക്ക് ആഗോള ചിപ്പ് വിപണിയെയും ഹാർഡ്‌വെയർ നിർമ്മാണത്തെയും പ്രതികൂലമായി ബാധിക്കും. ദക്ഷിണ കൊറിയയുടെ കയറ്റുമതിയുടെ 22.8% ഉം ആഭ്യന്തര ഓഹരി വിപണിയുടെ 26% ഉം സാംസങ്ങാണ് വഹിക്കുന്നത്, 1,20,000 ൽ അധികം ആളുകൾക്ക് തൊഴിൽ നൽകുകയും 1,700 വിതരണക്കാരുമായി പ്രവർത്തിക്കുകയും ചെയ്യുന്നുണ്ട്

ലോജിക് ചിപ്പ് ബിസിനസുകളിലെ ജീവനക്കാർക്ക് 50% മുതൽ 100% വരെ ബോണസും സാംസങ് നിർദ്ദേശിച്ചു. ഈ ബോണസുകൾ ഈ വർഷത്തെ ഒറ്റത്തവണ പേയ്‌മെന്റായിരിക്കും. 2024-ൽ സാംസങ്ങിനെ ബാധിച്ചതിനേക്കാൾ കൂടുതൽ നാശനഷ്ടമുണ്ടാക്കുന്നതുമായിരിക്കും ഈ പണിമുടക്ക്. അന്ന് ഏകദേശം 6,000 തൊഴിലാളികൾ പണിമുടക്കിൽ പങ്കെടുത്തു.

Story Highlights : Samsung’s South Korean union sticks to strike plan