‘അമ്മ സംഘടനയിൽ തിരുത്തലുകൾ വേണം; സ്ത്രീകൾക്ക് സ്ത്രീകളോട് പരാതി പറയാൻ കഴിയുന്നില്ലെങ്കിൽ പ്രതിഷേധമുണ്ട്’: ഭാഗ്യലക്ഷ്മി

താര സംഘടനയായ അമ്മ നേതൃത്വത്തിന് എതിരെ ചലച്ചിത്രപ്രവർത്തക ഭാഗ്യലക്ഷ്മി. ഇപ്പോൾ നേതൃസ്ഥാനത്ത് ഉള്ളവർക്ക് സംഘടനയെ എങ്ങനെ നടത്തിക്കൊണ്ടു പോകണമെന്ന് അറിയില്ല. സെക്രട്ടറിയായ കുക്കുപരമേശ്വരൻ ഒന്നും സംസാരിക്കുന്നില്ല. ഇപ്പോഴും സ്ത്രീകൾക്ക് സ്ത്രീകളോട് പരാതി പറയാൻ കഴിയുന്നില്ലെങ്കിൽ പ്രതിഷേധമുണ്ടെന്നും ഭാഗ്യലക്ഷ്മി ട്വന്റിഫോറിനോട് പറഞ്ഞു.

അമ്മ സംഘടനയിൽ തിരുത്തലുകൾ വേണം, മാറ്റങ്ങൾ കൊണ്ടുവരണമെന്ന് ഭാഗ്യലക്ഷ്മി പറഞ്ഞു. സ്ത്രീകൾ ഭരണമേറ്റെടുക്കട്ടെ എന്ന് മുൻപ് അഭിപ്രായം പറഞ്ഞിരുന്നു. എന്തുകൊണ്ട് അൻസിബ ആദ്യം പരാതി പറഞ്ഞില്ല എന്നതിന്റെ ലോജിക്കും മനസ്സിലാകുന്നില്ല. ആദ്യം രാജിവെച്ച് പിന്നീട് ദിവസങ്ങൾ കഴിഞ്ഞ് പരാതി കൊടുക്കുമ്പോൾ സംശയങ്ങൾ ഉണ്ടാകും. സ്ത്രീകൾ സ്ത്രീകളുടെ കൂടെ നിൽക്കുന്നില്ലേ എന്നതിൽ സംശയമുണ്ടെന്ന് ഭാഗ്യലക്ഷ്മി കൂട്ടിച്ചേർത്തു.

Read Also: ‘ടിനി ടോം കയ്യേറ്റം ചെയ്യാൻ ശ്രമിച്ചു; കേട്ടാൽ അറയ്ക്കുന്ന അസഭ്യം വിളിച്ചു’; പരാതിയുമായി നടി നീന കുറുപ്പ്

താര സംഘടന അമ്മയുടെ ജോയിൻറ് സെക്രട്ടറി സ്ഥാനത്തേക്ക് എതിരില്ലാതെ തിരഞ്ഞെടുക്കപ്പെട്ട അൻസിബ കഴിഞ്ഞ ഫെബ്രുവരിയിലാണ് എക്സിക്യൂട്ടീവ് കമ്മിറ്റിയിൽ നിന്ന് രാജിവെക്കുന്നത്. വ്യക്തിപരമായ കാരണങ്ങളാൽ ആണ് രാജി എന്ന് അറിയിച്ചെങ്കിലും എക്സിക്യൂട്ടീവ് അംഗമായ ടിനി ടോമും മറ്റൊരു വനിതാ എക്സിക്യൂട്ടീവ് അംഗവും വ്യക്തിഹത്യ ചെയ്യുന്നതിനാലാണ് രാജി എന്നാണ് അൻസിബയുടെ ആരോപണം. ടിനി ടോം തനിക്കെതിരെ അവിഹിത കഥകൾ പ്രചരിപ്പിക്കുന്നു എന്നും തന്നെ ജിഹാദി എന്ന് വിളിച്ചു എന്നും അൻസിബ ആരോപിക്കുന്നു.

Story Highlights : AMMA organization needs corrections says Bhagyalakshmi