‘കോളജിലെത്തിയ വിദ്യാർത്ഥികൾക്ക് കാവി ഷോളുകൾ വിതരണം ചെയ്‌ത്‌ ശ്രീറാം സേനേ’; ഹിജാബ് നിരോധനം പിൻവലിച്ചതിൽ പ്രതിഷേധം

വിദ്യാർത്ഥികൾക്ക് കാവി ഷോളുകൾ വിതരണം ചെയ്തു ശ്രീറാം സേനേ. കർണാടകയിലെ ഹുബ്ബള്ളിയിൽ ആണ് ശ്രീറാം സേനേയുടെ നടപടി. കോളേജിലേക്ക് പോയ കുട്ടികൾക്കാണ് കാവി ഷോളുകൾ നൽകിയത്. അടുത്തിടെ വിദ്യാഭ്യാസ സ്ഥാപനങ്ങളിൽ ഹിജാബ് നിരോധനം പിൻവലിച്ചിരുന്നു.

സർക്കാരിന്റെ നീക്കത്തിനെതിരെ സംസ്ഥാനവ്യാപകമായി നടത്തുന്ന പ്രചാരണത്തിന്റെ ഭാഗമായി ശ്രീരാമ സേനയിലെയും മറ്റ് ഹിന്ദു സംഘടനകളിലെയും അംഗങ്ങൾ വിദ്യാർത്ഥികൾക്ക് കാവി ഷാളുകൾ വിതരണം ആരംഭിച്ചു. ഹുബ്ബള്ളിയിലെയും കർണാടകയുടെ മറ്റ് ഭാഗങ്ങളിലെയും വിദ്യാഭ്യാസ സ്ഥാപനങ്ങളിൽ പ്രവർത്തകർ കാവി ഷാളുകൾ വിതരണം ചെയ്തുകൊണ്ട് ഞായറാഴ്ചയാണ് പരിപാടി ആരംഭിച്ചത്.

വിദ്യാഭ്യാസ സ്ഥാപനങ്ങളിൽ ഹിജാബ് അനുവദിക്കാനുള്ള സർക്കാർ തീരുമാനത്തിനെതിരായ പ്രതിഷേധം രേഖപ്പെടുത്തുക എന്നതാണ് ഈ കാമ്പെയ്‌നിന്റെ ഉദ്ദേശ്യമെന്ന് സംഘടനാ നേതാക്കൾ പറഞ്ഞു. ഈ നീക്കം പ്രീണന രാഷ്ട്രീയമാണെന്നും ഈ നയം കാമ്പസുകളിൽ മതപരമായ ഭിന്നത വീണ്ടും ആളിക്കത്തിക്കുമെന്നും അവർ വ്യക്തമാക്കി.

സ്കൂളുകളിലും കോളേജുകളിലും വിദ്യാർത്ഥികൾക്ക് ഹിജാബ്, പൂണൂൽ തുടങ്ങിയ മതചിഹ്നങ്ങൾ ധരിക്കാൻ അനുമതി നൽകി കർണാടക സർക്കാർ ഉത്തരവ് പുറപ്പെടുവിച്ചതിന് ദിവസങ്ങൾക്ക് ശേഷമാണ് പ്രതിഷേധങ്ങൾ ഉയർന്നത്.

Story Highlights : karnataka hijab order sparks saffron shawl protests