എട്ട് വയസ്സുകാരിയെ അശ്ലീല വീഡിയോ കാണിച്ച് പീഡിപ്പിച്ചു; അയൽവാസി അറസ്റ്റിൽ

എട്ട് വയസ്സുകാരിയെ അയൽവാസി അശ്ലീല വീഡിയോ കാണിച്ച് പീഡിപ്പിച്ചു. സംഭവവുമായി ബന്ധപ്പെട്ട് അയൽവാസി ജീതെന്ദറിനെ പോലീസ് അറസ്റ്റ് ചെയ്തു. ഛത്തീസ്ഗഡിലെ സുൽത്താൻപൂരിൽ ഞായറാഴ്ച്ചയാണ് സംഭവം.

ഞായറാഴ്ച രാവിലെ വീടിന് പുറത്ത് കൂട്ടകാർക്കൊപ്പം കളിച്ച് കൊണ്ടിരിക്കുകയായിരുന്നു പെൺകുട്ടി. ഈ സമയം ഇവിടേക്കെത്തിയ അയൽവാസി പെൺകുട്ടിയെ അയാളുടെ വീട്ടിലേക്ക് കൂട്ടികൊണ്ട് പോകുകയായിരുന്നു. വീട്ടിലെത്തിയ ഇയാൾ പെൺകുട്ടിയെ അശ്ലീല വീഡിയോ കാണിക്കുകയും ശേഷം പീഡിപ്പിക്കുകയും ചെയ്തു. ഇതിനുശേഷം ഇയാൾ വാഷ് റൂമിലേക്ക് പോയ സമയം പെൺകുട്ടി അവിടെന്ന് രക്ഷപ്പെട്ടു.

തിരികെ വീട്ടിലെത്തിയ പെൺകുട്ടി തനിക്കുണ്ടായ ദുരനുഭവത്തെപ്പറ്റി രക്ഷിതാക്കളോട് പറഞ്ഞു. ഉടൻ തന്നെ ഇവർ പൊലീസിൽ പരാതി നൽകുകയായിരുന്നു. പരാതിയുടെ അടിസ്ഥാനത്തിൽ പ്രതിയെ പൊലീസ് അറസ്റ്റ് ചെയ്തു.