സമത്വ മുന്നേറ്റ യാത്രയ്ക്ക് ശംഖുമുഖത്ത് സമാപനം.
വെള്ളാപ്പള്ളി നയിക്കുന്ന സമത്വ മുന്നേറ്റ യാത്രയ്ക്ക ഇന്ന് ശംഖുമുഖത്ത് സമാപനം. സമാപന സമ്മേളനത്തില്‍ പുതിയ പാര്‍ടിയുടെ പ്രഖ്യാപനവും ഉണ്ടാകും. നിരവധി പേരുകള്‍ പറഞ്ഞുകേള്‍ക്കുന്നുണ്ടെങ്കിലും ഭാരതീയ ധര്‍മ്മ ജന സേന എന്ന പേരിനാണ് സാധ്യത. എന്നാല്‍ പുതിയ പാര്‍ടി ഉണ്ടാക്കുന്നതില്‍ പ്രതിഷേധിച്ച് യാത്രയുടെ മുഖ്യരക്ഷാധികാരിയായ ഐ.എസ്.ആര്‍.ഒ. മുന്‍ചെയര്‍മാന്‍ ഡോ.ജി. മാധവന്‍ നായര്‍ സമാപനത്തില്‍നിന്ന് വിട്ട് നില്‍ക്കും. ബിജെപിയുടെ പോഷക സംഘടനയാകും പുതിയ പാര്‍ടി എന്ന് വിഎസും വെള്ളാപ്പള്ളി നടേശന്‍ എസ്.എന്‍.ഡി.പി. യോഗം ജനറല്‍ സെക്രട്ടറി സ്ഥാനം രാജി വെക്കണമെന്ന് കോടിയേരി ബാലകൃഷ്ണനും പറഞ്ഞു.
ഓടയില്‍ കുടുങ്ങിയവരെ രക്ഷിക്കുന്നതിനിടയില്‍ മരിച്ച നൗഷാദിന്റഎ കുടുംബത്തിന് മുഖ്യമന്ത്രി സഹായം വാഗ്ധാനം ചെയ്തതിനെതിരെ വെള്ളാപ്പള്ളി നടത്തിയ പ്രസ്ഥാവന വിവാദത്തിനിടയായി. നൗഷാദ് മുംസ്ലീം ആയതുകൊണ്ടാണ് മുഖ്യമന്ത്രി സഹായം വാഗ്ധാനം ചെയ്തത് എന്നായിരുന്നു യാത്രയ്ക്ക് ആലുവയില്‍ നല്‍കിയ സ്വീകരണ പരിപാടിയില്‍ വെച്ച് വെള്ളാപ്പള്ളി പറഞ്ഞത്. ഇതിനെതിരെ വിവിധ പാര്‍ടികളും മത, സാമൂധായിക, ഇതര സംഘടനകളും രംഗത്തെത്തിയിരുന്നു. എന്നാല്‍ ബിജെപി നേതാക്കളായ ഒ രാജഗോപാലന്‍, വി. മുരളീധരന്‍ എന്നിവര്‍ വെള്ളാപ്പള്ളി നടേശനെ അനുകൂലിച്ചും സംസാരിച്ചു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
