സ്വപ്‌ന പദ്ധതിയ്ക്ക് ഇനി ആയിരംനാള്‍
25 വര്‍ഷത്തെ കാത്തിരിപ്പുകള്‍ക്ക് വിരാമമിട്ട് വിഴിഞ്ഞം തുറമുഖ പദ്ധതിയ്ക്ക് ഔദ്യോഗിക തുടക്കമാകുന്നു. ഇന്ന് വൈകീട്ട് 4 ന് പദ്ധതി പ്രദേശമായ മുക്കോലയില്‍ മുഖ്യമന്ത്രി ഉമ്മന്‍ചാണ്ടി തറക്കല്ലിടുന്നതോടെയാണ് കാല്‍ നൂറ്റാണ്ടിന്റെ പ്രതീക്ഷകള്‍ക്ക് അര്‍ത്ഥമാകുന്നത്. കേന്ദ്ര ഷിപ്പിംഗ് മന്ത്രി നിതിന്‍ ഗഡ്കരി മുഖ്യതിഥിയായിരിക്കും. നിരവധി അക്ഷേപങ്ങള്‍ക്കും പ്രതിഷേധത്തിനുമിടയിലാണ് പദ്ധതിയുടെ ഔദ്യോഗിക ഉദ്ഘാടനം. തലസ്ഥാന നഗരിയില്‍ പടുത്തുയര്‍ത്താന്‍ പോകുന്നത് ഏഷ്യയിലെ തന്നെ ഏറ്റവും വലിയ മനുഷ്യ നിര്‍മ്മിത തുറമുഖമായിരിക്കും എന്നാണ് അവകാശ വാദം. പദ്ധതി നിര്‍മ്മാണ കമ്പനി ആയ അദാനി ഗ്രൂപ് ചെയര്‍മാന്‍ ഗൗതം അദാനി ഉദ്ഘാടന ദിവസമായ ഇന്ന് വിഴിഞ്ഞം സന്ദര്‍ശിച്ചു. മുമ്പ് വ്യോമ മാര്‍ഗം അദ്ദേഹം വിഴിഞ്ഞം സന്ദര്‍ശിച്ചിരുന്നെങ്കിലും നേരിട്ട് വിഴിഞ്ഞത്തെത്തുന്ന്ത് ഇത് ആദ്യമാണ്. പദ്ധതിയിലൂടെ കൂടുതല്‍ മലയാളികള്‍ക്ക് ജോലി നല്‍കുമെന്ന് അദാനി മാധ്യമങ്ങളെ അറിയിച്ചു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
