ഡല്‍ഹി വിമാന അപകടം: 10 പേര്‍ മരിച്ചു.
ഡല്‍ഹിയിലെ ദ്വാരകയില്‍ ബിഎസ്എഫിന്റെ ചെറുവിമാനം തകര്‍ന്ന് വിമാനത്തിലുണ്ടായിരുന്ന എല്ലാവരും കൊല്ലപ്പെട്ടു. 3 ബിഎസ്എഫ് ഉദ്യോഗസ്ഥരും 7 ടെക്‌നീഷ്യന്‍സുമാണ് വിമാനത്തില്‍ ഉണ്ടായിരുന്നത്. ഡല്‍ഹിയില്‍ നിന്ന് റാഞ്ചിയിലേക്ക് പോകുന്നതിനിടയാണ് ദ്വാരകയിലെ ഭക്തോള ഗ്രാമത്തില്‍വെച്ച് അപകടമുണ്ടായത്.
ടെക്‌നീഷ്യന്‍സിന് ഗ്രൗണ്ട് കണ്‍ട്രോള്‍ നഷ്ടമായതിനെ തുടര്‍ന്നാണ് വിമാനം തകര്‍ന്നതെന്നാണ് റിപ്പോര്‍ട്. റാഞ്ചിയിലേക്ക് ഒരു ഹെലികോപ്റ്റര്‍ നന്നാക്കാന്‍ പോകുകായിരുന്ന ബി.എസ്.എഫ്. ടെക്‌നീഷ്യന്‍സായിരുന്നു വിമാനത്തില്‍ ഉണ്ടായിരുന്നത്.
വ്യോമയാന മന്ത്രി മഹേഷ് ശര്‍മ്മ അന്വേഷണത്തിന് ഉത്തരവിട്ടു. ഉന്നത ഉദ്യോഗസ്ഥരും മന്ത്രിമാരും ഈ വിമാനങ്ങളിലാണ് യാത്ര ചെയ്യാറുള്ളത്. ആഭ്യന്തര മന്ത്രി രാജ്‌നാഥ് സിംഗ്, ബിഎസ്എഫ് ഡിജി എന്നിവര്‍ സംഭവ സ്ഥലത്തേക്ക് പുറപ്പെട്ടു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
