ജയലളിതയ്ക്ക് അന്ത്യാഞ്ജലി അർപ്പിച്ച് രാഷ്ട്രപതിയും പ്രധാന മന്ത്രിയും

തമിഴ്‌നാട് മുഖ്യമന്ത്രി ജയലളിതയ്ക്ക് ആദരാഞ്ജലി അർപ്പിക്കാൻ രാഷ്ട്രപതി പ്രണബ് മുഖർജി രാജാജി ഹാളിൽ എത്തി. ജയലളിതയുടെ വിയോഗത്തിൽ അതിയായ ദു:ഖമുണ്ടെന്ന് രാഷ്ട്രപതി പ്രണബ് മുഖർജി അറിയിച്ചു. അവസാനം വരെ പോരാടിയ യഥാർത്ഥ പോരാളിയായിരുന്നു ജയ എന്നും രാഷ്ട്രപതി കൂട്ടിച്ചേർത്തു.

രാഷ്ട്രപതിയെ കൂടാതെ പ്രധാന മന്ത്രി നരേന്ദ്ര മോഡിയും, എഐസിസി വൈസ് പ്രസിഡന്റ് രാഹുൽ ഗാന്ധിയും ജയലളിതയ്ക്ക് ആദരാഞ്ജലി അർപ്പിക്കാൻ എത്തിയിരുന്നു.