വീട്ടുമുറ്റത്ത് കളിച്ചുകൊണ്ടിരുന്ന ഏഴ് വയസ്സുകാരി തൂങ്ങി മരിച്ച നിലയിൽ

വീട്ടുമുറ്റത്ത് സഹോദരനോടൊപ്പം കളിച്ച് കൊണ്ടിരുന്ന ഏഴ് വയസ്സുകാരിയെ മരിച്ച നിലയിൽ കണ്ടെത്തി. തിരുവനന്തപുരം കാട്ടായിക്കോണത്താണ് സംഭവം.

ഇന്നലെ വൈകിട്ടോടെയാണ് പെൺകുട്ടിയെ കാണാതായത്. നാട്ടുകാരും വീട്ടുകാരും വ്യാപകമായി തെരച്ചിൽ നടത്തി. ഇതിനിടെ വീട്ടിലെ കുളിമുറിയില്‍ കഴുത്തില്‍ തോര്‍ത്ത് മുറുക്കിയ നിലയിൽ പെൺകുട്ടിയെ കണ്ടെത്തുകയായിരുന്നു. കണ്ടെടുക്കുമ്പോൾ ജീവനുണ്ടായിരുന്നെങ്കിലും ആശുപത്രിയിലേക്കുള്ള യാത്രാമദ്ധ്യേ മരണം സംഭവിക്കുകയായിരുന്നു. സംഭവത്തില്‍ പോത്തന്‍കോട് പോലീസ് അസ്വഭാവിക മരണത്തിന് കേസെടുത്തു.