സിറ്റിംഗ് ജഡ്ജ് പാനലിൽ ആദ്യമായി ട്രാൻസ്‌ജെൻഡറും

ലീഗൽ സർവീസസ് അതോറിറ്റി കോടതിയിൽ ഇന്നു നടക്കുന്ന മെഗാ അദാലത്തിൽ ഇതാദ്യമായി സിറ്റിങ് ജഡ്ജിമാരുടെ പാനലിൽ ട്രാൻസ്‌ജെൻഡറും. അതോറിറ്റി വൊളന്റിയറായി പരിശീലനം ലഭിച്ച റിയ ആണ് ജഡ്ജിക്കൊപ്പമിരുന്നു പരാതികൾ കേൾക്കുക.

വാഹനാപകട കേസുകൾ കൈകാര്യം ചെയ്യുന്ന ബൂത്തിലാണു റിയയുടെ സ്ഥാനം. ജഡ്ജിയും പരിശീലനം ലഭിച്ച വൊളന്റിയറുമാണു ബെഞ്ചിൽ വേണ്ടത്. സ്ഥിരം അഭിഭാഷകയ്ക്കു പകരമായാണ് ഇത്തവണ റിയ ഇരിക്കുന്നത്. സംസ്ഥാനത്തു തന്നെ ആദ്യമായാണു സിറ്റിങ്ങിന് ഒരു ട്രാൻസ്‌ജെൻഡർ ജഡ്ജിങ് പാനലിൽ എത്തുന്നതെന്ന് അതോറിറ്റി അധികൃതർ പറഞ്ഞു.

for the first time transgender as sitting judge