ഹാർവെ ചുഴലിക്കാറ്റിൽ; യു എസിലെ കെമിക്കൽ പ്ലാന്റിൽ സ്‌ഫോടനം

ടെക്‌സസ് തീരത്ത് വീശിയടിച്ച ഹാർവെ ചുഴലിക്കാറ്റിൽ കെമിക്കൽ പ്ലാന്റിൽ രണ്ട് സ്‌ഫോടനം. ടെക്‌സാസിലെ ക്രോസ്ബി യിൽ വെള്ളത്തിൽ മുങ്ങിപ്പോയ കെമിക്കൽ പ്ലാന്റിലാണ് രണ്ടു സ്‌ഫോടനങ്ങൾ നടന്നത്.

ക്രോസ്ബിയിലെ ആർക്കെമ പ്ലാന്റിലാണ് സ്‌ഫോടനം നടന്നത്. പുലർച്ചെ രണ്ടു മണിയോടെയാണ് ഇവിടെ നിന്നും കറുത്ത പുക ഉയരുന്നതായി അധികൃതരുടെ ശ്രദ്ധയിൽ പെട്ടത്. മുൻകരുതൽ നടപടിയായി സംഭവം നടന്ന പ്രദേശത്തിന് മൂന്നു കിലോമീറ്റർ ചുറ്റളവിൽ നിന്നും അധികൃതർ ആളുകളെ കുടിയൊഴിപ്പിച്ചു.

harvey cyclone US chemical plant blast