കാബിനറ്റ് മന്ത്രിമാരുടെ സത്യപ്രതിജ്ഞ

കേന്ദ്രമന്ത്രിസഭാ പുനഃസംഘടനയുടെ ഭാഗമായി തെരഞ്ഞെടുത്ത മന്ത്രിമാരുടെ സത്യപ്രതിജ്ഞ പുരോഗമിക്കുന്നു. കേരളത്തിൽനിന്നുള്ള മുൻ ഐഎഎസ് ഉദ്യോഗസ്ഥൻ അൽഫോൺസ് കണ്ണന്താനം കേന്ദ്ര സഹമന്ത്രിയാകും. നിലവിൽ കേന്ദ്രസഹമന്ത്രിയായ നിർമ്മല സീതാരാമൻ കേന്ദ്രമന്ത്രിയായി സത്യപ്രതിജ്ഞ ചെയ്തു.

ബ്രിക്‌സ് ഉച്ചകോടിയിൽ പങ്കെടുക്കാൻ മോഡി ഇന്ന് ഉച്ചയോടെ ചൈനയ്ക്ക് പുറപ്പെടുന്നതിനാലാണ് രാവിലെ തന്നെ സത്യപ്രതിജ്ഞ നടത്തുന്നത്. മന്ത്രിസഭാ പുനഃസംഘടനയുടെ ഭാഗമായി 7 മന്ത്രിമാരാണ് രാജി വച്ചത്. 2019 ലെ ലോക്‌സഭാ തെരഞ്ഞെടുപ്പ് മുന്നിൽ കണ്ടാണ് പുനഃസംഘടന.