നാദിർഷയെ ചോദ്യം ചെയ്യണമെന്ന് പേലീസ്

നടിയെ ആക്രമിച്ച കേസിൽ സംവിധായകൻ നാദിർഷയെ ചോദ്യം ചെയ്യണമെന്ന് പേലീസ് ഹൈക്കോടതിയെ അറിയിക്കും. നാദിർഷായുടെ മുൻകൂർ ജാമ്യാപേക്ഷയിൽ നിലപാട് വ്യക്തമാക്കാൻ സർക്കാരിനോട് ഹൈക്കോടതി ആവശ്യപ്പെട്ടിരുന്നു.

പ്രോസിക്യൂഷന് അനുകൂലമായി മൊഴി നൽകാനാവശ്യപ്പെട്ട് പോലീസ് നിർബന്ധിക്കുകയാണെന്നും തന്നെ അറസ്റ്റ് ചെയ്യുമെന്ന് ഭീഷണിപ്പെട്ടുത്തുകയാണെന്നും ആരോപിച്ച് നാദിർഷാ കോടതിയെ സമീപിച്ചിരുന്നു.

നടിയെ ആക്രമിച്ച കേസിൽ നാദിർഷയെ ആലുവ പോലീസ് ക്ലബ്ബിലെത്തിച്ച് നേരത്തേ ചോദ്യം ചെയ്തിരുന്നു. വീണ്ടും ചോദ്യം ചെയ്യലിനെത്താൻ ആവശ്യപ്പെട്ടതോടെ നാദിർഷ ആശുപത്രിയിൽ ചികിത്സ തേടിയിരുന്നു.