മെക്‌സിക്കോയിൽ ഭൂചലനം; മരണം 200 കടന്നു

ചൊവ്വാഴ്ച്ച മെക്‌സിക്കോയിൽ ഉണ്ടായ ശക്തമായ ഭൂചലനത്തിൽ മരണസംഘ്യ ഉയരുന്നു. 224 പേരാണ് ഇതുവരെ മരിച്ചത്. മരണസംഘ്യ ഇനിയും ഉയരാൻ സാധ്യതയുണ്ട്.

മെക്‌സിക്കോ സിറ്റിക്കടുത്തും മോറെലോസിലും ഏതാണ്ട് ഉച്ചയോടെയാണ് ഭൂചലനമുണ്ടായത്. റിക്ടർ സ്‌കെയിലിൽ 7.1 തീവ്രതയാണ് രേഖപ്പെടുത്തിയിരിക്കുന്നത്. മെക്‌സിക്കോ സിറ്റിയിൽനിന്ന് നൂറു കിലോമീറ്ററോളം അകലെ പ്യുഏബ്ല സംസ്ഥാനത്താണ് ഭൂചലനത്തിന്റെ പ്രഭവകേന്ദ്രം.

ശക്തമായ ഭൂചലനത്തിൽ കൂറ്റൻ കെട്ടിടങ്ങളും പാലങ്ങളും തകർന്നടിഞ്ഞു. ചില കെട്ടിടങ്ങളിൽ തീപിടിത്തമുണ്ടായിട്ടുണ്ട്. ഇവയ്ക്കുള്ളിൽ ആൾക്കാർ കുടുങ്ങിയിട്ടുണ്ടെന്ന് അധികൃതർ അറിയിച്ചു. ഇവരെ രക്ഷപെടുത്താനുള്ള ശ്രമം പുരോഗമിക്കുകയാണ്.

mexico earthquake death toll touches 200