പാലാരിവട്ടം- മഹാരാജാസ് മെട്രോ; സുരക്ഷാ പരിശോധന ആരംഭിച്ചു

പാലാരിവട്ടം മഹാരാജാസ് കോളേജ് റൂട്ടിൽ സുരക്ഷാ പരിശോധന തുടങ്ങി. മെട്രോ റെയിൽ സേഫ്റ്റി കമ്മീഷണർ കെ.എം. മനോഹരൻറെ നേതൃത്വത്തിലുള്ള സംഘം ഇന്ന്! രാവിലെ 9മണിക്ക് ജവഹർലാൽ നെഹ്‌റു സ്റ്റേഡിയം സ്റ്റേഷനിൽ നിന്നുമാണ് പരിശോധന ആരംഭിച്ചത്.

സ്റ്റേഷനുകളിലെ അടിസ്ഥാന സൗകര്യങ്ങൾ, സുരക്ഷാ സംവിധാനങ്ങൾ, കണ്ട്രോൾ റൂമിൻറെ പ്രവർത്തനം, എസ്‌ക്കലേറ്റർ, ലിഫ്റ്റ്, വയഡക്റ്റ് , സിഗ്‌നലിംഗ് സംവിധാനങ്ങൾ, എ.എഫ്.സി. ഗേറ്റുകൾ തുടങ്ങിയവയാണ് പരിശോധിക്കുക. നാളെയും സുരക്ഷാ പരിശോധന തുടരും. സി.എം.ആർ.എസ്സിൻറെ അനുമതി ലഭിക്കുന്നപക്ഷം ഒക്ടോബർ 3ന് പാലാരിവട്ടം മഹാരാജാസ് കോളേജ് റൂട്ട് ഉദ്ഘാടനം നടത്തും.

palarivattom maharajas metro security inspection started