ദൈവത്തിന് നന്ദിയെന്ന് ഫാ. ടോം ഉഴുന്നാലിൽ

ദൈവത്തിന് നന്ദി പറഞ്ഞ് ഭീകരരിൽനിന്ന് മോചിപ്പിച്ച ഫാ. ടോം ഉഴുന്നാലിൽ. തന്നെ ഭീകരർ ഉപദ്രവിച്ചിട്ടില്ലെന്നും ആരെയും കാണാൻ ഭീകരർ അനുവദിച്ചിരുന്നില്ലെന്നും മോചനത്തിന് ശേഷം ഇന്ത്യയിലെത്തിയ ഉഴുന്നാലിൽ പറഞ്ഞു.

മോചനദ്രവ്യം നൽകിയോ ഇല്ലയോ എന്ന് അറിയില്ല. ഭീകരർ നാലിടത്തായി മാറ്റി പാർപ്പിച്ചിരുന്നു. തന്റെ മോചനത്തിനു ശ്രമിച്ച എല്ലാവർക്കും നന്ദിയെന്നും ഉഴുന്നാലിൽ ഡൽഹിയിൽ പറഞ്ഞു. യെമനിൽ ഭീകരരുടെ പിടിയിൽ നിന്നു മോചിതനായ ഉഴുന്നാലിൽ ഇന്നാണ് ഇന്ത്യയിൽ എത്തിയത്.