സോളാർ കേസ്; നിയമോപദേശത്തിന് ശേഷം വിശദമായി ചർച്ച ചെയ്യുമെന്ന് മുഖ്യമന്ത്രി

സോളാർ തട്ടിപ്പിനെക്കുറിച്ച് അന്വേഷിച്ച ജസ്റ്റിസ് ജി. ശിവരാജൻ കമ്മീഷൻ റിപ്പോർട്ടിൽ നിയമോപദേശത്തിന് ശേഷം വിശദമായ ചർച്ച നടത്തുമെന്ന് മുഖ്യമന്ത്രി പിണറായി വിജയൻ. റിപ്പോർട്ട് ലഭിച്ച കാര്യം മുഖ്യമന്ത്രി പിണറായി വിജയൻ മന്ത്രിസഭയെ അറിയിച്ചു.

മുഖ്യമന്ത്രിയുടെ പ്രിൻസിപ്പൽ സെക്രട്ടറി നളിനി നെറ്റോ, നിയമകാര്യ ഉപദേഷ്ടാവ് എൻ.കെ. ജയകുമാർ എന്നിവരുടെ നേതൃത്വത്തിൽ റിപ്പോർട്ട് പരിശോധിച്ച് വരികയാണ്. നാലു ഭാഗങ്ങളായാണ് റിപ്പോർട്ട് സമർപ്പിച്ചിരിക്കുന്നത്. മുൻമുഖ്യമന്ത്രി ഉമ്മൻചാണ്ടിയുടെ ഓഫീസിന് വീഴ്ച പറ്റിയെന്ന കണ്ടെത്തലിൽ അന്വേഷണം നടത്തുന്നതിനാണ് ഇപ്പോൾ നിയമോപദേശം തേടുന്നത്.