മെക്‌സികോ ഭൂചലനം; ഒടുവിലത്തെ മൃതദേഹവും കണ്ടെത്തിയതായി രക്ഷാപ്രവർത്തകർ

മെക്‌സിക്കോയിൽ സെപ്തംബർ 19ന് ഉണ്ടായ ഭൂചലനത്തിൽ കാണാതായ ഒടുവിലത്തെ ആളുടെയും മൃതദേഹം കണ്ടെത്തിയതായി റിപ്പോർട്ട്. രക്ഷാപ്രവർത്തകരാണ് ഇക്കാര്യം സ്ഥിരീകരിച്ചത്. കെട്ടിടാവശിഷ്ടങ്ങൾക്കിടയിൽനിന്ന് 69 പേരെ രക്ഷിച്ചതായും 49 മൃതദേഹങ്ങൾ കണ്ടെത്തിയതായും അധികൃതർ വ്യക്തമാക്കി. അതേസമയം സെപ്തംബർ 22ന് ശേഷം ആരെയും ജീവനോടെ രക്ഷിക്കാനായില്ലെന്നും അന്തർദേശീയ മാധ്യമങ്ങൾ റിപ്പോർട്ട് ചെയ്യുന്നു. 366 പേരാണ് മെക്‌സിക്കോയിലുണ്ടായ ഭൂചലനത്തിൽ മരിച്ചത്.