നവംബര്‍ ഒന്നിന് കടയടപ്പ് സമരം
നവംബര്‍ ഒന്നിന്കേരള വ്യാപാരി വ്യവസായി ഏകോപന സമിതിയുടെ നേതൃത്വത്തില്‍ സംസ്ഥാന വ്യാപകമായി കടയടപ്പ് സമരവും സെക്രട്ടേറിയറ്റ് മാര്‍ച്ചും നടത്തും. ജിഎസ്ടിയിലെ അപാകത പരിഹരിക്കണമെന്നതടക്കം ആവശ്യങ്ങളുന്നയിച്ചാണ് സമരം. ജി.എസ്.ടി വേണോ വാറ്റ് വേണോ എന്ന് തീരുമാനിക്കാനുള്ള അവകാശം തങ്ങള്‍ക്ക് നല്‍കണമെന്നാണ് വ്യാപാരികളുടെ ആവശ്യം.
വ്യാപാരികളുടെ പ്രശ്നങ്ങള്‍ പല തവണ ശ്രദ്ധയില്‍പെടുത്തിയെങ്കിലും പരിഹരിക്കാന്‍ സര്‍ക്കാറിന് സമയമുണ്ടായില്ലെന്ന് സമരപ്രഖ്യാപന കണ്‍വെന്‍ഷനില്‍ സംസ്ഥാന പ്രസിഡന്റ് ടി. നസിറുദ്ദീന്‍ പറഞ്ഞു. കേരള ഹോട്ടല്‍ ആന്‍ഡ് റെസ്റ്റോറന്റ് അസോസിയേഷനും സമരത്തില്‍ പങ്ക് ചേരും. വാടക കുടിയാന്‍ നിയമം നടപ്പാക്കുക, റോഡ് വികസനത്തിന് കുടിയൊഴിപ്പിക്കപ്പെടുന്ന വ്യാപാരികള്‍ക്ക് പ്രത്യേക പാക്കേജ് അനുവദിക്കുക തുടങ്ങിയ ആവശ്യങ്ങളുന്നയിച്ചാണ് സമരം.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
