എൻസിപി നേതൃയോഗം ഇന്ന്; തോമസ് ചാണ്ടിക്ക് ഇന്ന് നിർണ്ണായക ദിനം

കായൽ കയ്യേറ്റ വിഷയത്തിൽ വിവാദത്തിലായ മന്ത്രി തോമസ് ചാണ്ടിയുടെ രാജിക്കായി സമ്മർദ്ദം മുറുകുന്നിനിടെ എൻസിപി സംസ്ഥാന നേതൃയോഗം ഇന്ന് ചേരും.

തോമസ് ചാണ്ടിയുടെ രാജിവയ്ക്കണമെന്ന് സിപിഎമും സിപിഐയും നിലപാട് കടുപ്പിച്ചപ്പോൾ എൻസിപി ഒറ്റപ്പെട്ട് പോയിരുന്നു. തോമസ് ചാണ്ടിയെ പിടിച്ചിറക്കേണ്ടി വരുമെന്ന് വി.എസും ഗതാഗത മന്ത്രി രാജിവെക്കണമെന്ന് സിപിഐ നേതാവ് പന്ന്യൻ രവീന്ദ്രനും പര്യസമായി ആവശ്യപ്പെട്ടിരുന്നു.

ഇന്ന് ചേരുന്ന എൻസിപി യോഗത്തിൽ തോമസ് ചാണ്ടിയുടെ രാജി സംബന്ധിച്ച് അന്തിമ തീരുമാനം ഉണ്ടായേക്കും.