ദിലീപിന് ആക്രമിക്കപ്പെട്ട നടിയോട് പകയെന്ന് കുറ്റപത്രം

നടിയെ ആക്രമിച്ചത് വ്യക്തിപരമായ പക കാരണമാണെന്ന് കുറ്റപത്രം. മഞ്ജുവാര്യരുമായുണ്ടായ വിവാഹം തകരാന്‍ കാരണം ഈ നടിയാണെന്ന വിശ്വാസമാണ് ക്വട്ടേഷന് കാരണമായതെന്നാണ് അന്വേഷണ സംഘത്തിന്റെ കണ്ടെത്തല്‍. ഈ വൈരാഗ്യം കാരണമാണ് പള്‍സര്‍ സുനിയെ ഉപയോഗിച്ച് നടിയെ ആക്രമിച്ചത്. നടിയും ദിലീപും തമ്മിലുള്ള പ്രശ്നങ്ങള്‍ക്കുള്ള വ്യക്തയ്ക്കാണ് സിനിമാ രംഗത്തുള്ള സാക്ഷികളെ ഉള്‍പ്പെടുത്തിയിരിക്കുന്നത്. പതിനൊന്ന് വകുപ്പുകളാണ് ദിലീപിനെതിരെ ചുമത്തിയിരിക്കുന്നത്. ഗൂഢാലോചന, കൂട്ടമാനഭംഗം തുടങ്ങി പൾസർ സുനിയ്ക്കെതിരെ ചുമത്തിയ കുറ്റങ്ങള്‍തന്നെയാണ് ദിലീപിനെതിരെ ചുമത്തിയിട്ടുള്ളത്.