ട്രെയിൻ പാളം തെറ്റി; മൂന്ന് മരണം; ഒമ്പത് പേർക്ക് പരിക്ക്

ഉത്തർപ്രദേശിൽ ട്രെയിൻ പാളം തെറ്റി മൂന്ന് മരണം. അപകടത്തിൽ ഒമ്പത് പേർക്ക് പരിക്കേറ്റു. ഉത്തർപ്രദേശിലെ ബാന്ദാ ഭാഗത്ത് ഇന്ന് പുലർച്ചെയായിരുന്നു അപകടം.

ഗോവയിലെ വാസ്‌ക്കോ ഡ ഗാമയിൽ നിന്നും ബിഹാറിലെ പട്‌നയിലേക്ക് പോവുകയായിരുന്നു ട്രെയിനിന്റെ 13 കോച്ചുകളാണ് മണിക്പൂർ ജംഗ്ഷന് സമീപം പാളം തെറ്റിയത്. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു.

പാളത്തിനുണ്ടായ തകരാറാണ് അപകടത്തിനിടയാക്കിയതെന്നാണ് പ്രാഥമിക നിഗമനം.

train derailed in UP