ആം ആദ്മിയ്ക്ക് ആദായ നികുതി വകുപ്പിന്റെ നോട്ടിസ്

തെരഞ്ഞെടുപ്പു ഫണ്ടിലേക്കു സംഭാവന ലഭിച്ച പണത്തിന്റെ ഉറവിടം വെളിപ്പെടുത്താത്ത ആം ആദ്മി പാർട്ടിക്ക് ആദായനികുതി വകുപ്പിന്റെ നോട്ടിസ്. ഡിസംബർ ഏഴിന് മുൻപ് 30 കോടി രൂപ നികുതി അടയ്ക്കാനാണ് പാർട്ടിയ്ക്ക് നിർദ്ദേശം നൽകിയത്.

ഇക്കാര്യത്തിൽ നിലപാട് വ്യക്തമാക്കാൻ നിരവധി അവസരങ്ങളാണു പാർട്ടിക്കു നൽകിയത്. എന്നാൽ അന്വേഷണത്തെ വഴി തിരിച്ചുവിടുന്ന നിലപാടാണ് ആംആദ്മി സ്വീകരിച്ചതെന്ന് ആദായനികുതി വകുപ്പ് ആരോപിച്ചു.

2015ലെ തെരഞ്ഞെടുപ്പു സമയത്ത് ലഭിച്ച സംഭാവനകളുടെ ഉറവിടം വ്യക്തമാക്കാൻ എ.എ.പിയ്ക്ക് കഴിഞ്ഞിട്ടില്ലെന്നാണ് ആരോപണം. അന്വേഷണത്തിൽ നിയമം ലംഘിച്ചാണ് സംഭാവനകൾ സ്വീകരിച്ചിരിക്കുന്നതെന്നാണ് ആദായ നികുതി വകുപ്പിന്റെ കണ്ടെത്തൽ.

aam admi gets income tax notice