ഭീകര പട്ടികയിൽ നിന്ന് പേര് നീക്കണം; ഹാഫിസ് സയ്യിദ്

മുംബൈ ഭീകരാക്രമണത്തിന്റെ മുഖ്യ സൂത്രധാരനും ജമാത്ത് ഉദ്ദവ തലവനുമായ ഹാഫിസ് സയ്യിദ് ഭീകര പട്ടികയിൽ നിന്നും തന്റെ പേര് നീക്കം ചെയ്യണമെന്നാവശ്യവുമായി ഐക്യരാഷ്ട്ര സമിതിയിയെ സമീപിച്ചു. ലാഹോർ കേന്ദ്രീകരിച്ച് പ്രവർത്തിക്കുന്ന നിയമ സ്ഥാപനമാണ് അദ്ദേഹത്തിന് വേണ്ടി യുഎന്നിനെ സമീപിച്ചിരിക്കുന്നത്.

2008ലെ മുംബൈ ഭീകരാക്രമണത്തിന് പിന്നാലെയാണ് ഹാഫിസ് സയ്യിദിനെ യു.എൻ ഭീകരപട്ടികയിൽ ഉൾപ്പെടുത്തിയത്. ഇതിന് പിന്നാലെ അമേരിക്ക ഹാഫിസ് സെയിദിനെ ആഗോള ഭീകരപട്ടികയിൽ പെടുത്തുകയും ഇയാളുടെ തലയ്ക്ക് 10 മില്യൻ യു.എസ് ഡോളർ വിലയിടുകയും ചെയ്തു.

hafiz saeed