അനധികൃത കെട്ടിടങ്ങൾ ക്രമവത്ക്കരിക്കും

സംസ്ഥാനത്ത് അനധികൃത കെട്ടിടങ്ങൾ ക്രമവത്ക്കരിക്കാൻ തീരുമാനം. 2017 ജുലൈ 31നോ അതിനു മുമ്പോ നിർമ്മിച്ചവയായിരിക്കും ക്രമവത്ക്കരിക്കുക. ഇതിനായി നിയമഭേദഗതി കൊണ്ടുവരാൻ മന്ത്രിസഭായോഗം തീരുമാനിച്ചു.

കെട്ടിടങ്ങൾ ക്രമവത്ക്കരിക്കാനുള്ള അധികാരം പ്രത്യേക സമിതിക്ക് നൽകും. കെട്ടിടങ്ങളുടെ കൂട്ടിച്ചേർക്കലും പുനരുദ്ധാരണവും ഈ പരിധിയിൽ വരും. സുരക്ഷ, ഉറപ്പ് എന്നിവയിൽ വിട്ടുവീഴ്ചയില്ലാതെ കോമ്പൌണ്ടിംഗ് ഫീസ് ഇടാക്കി ക്രമവത്ക്കരിക്കുന്നതിന് കേരള പഞ്ചായത്ത് രാജ് നിയമത്തിലും കേരള മുൻസിപ്പാലിറ്റി നിയമത്തിലും ഭേദഗതി വരുത്തുന്നതിന് പ്രത്യേക ഓർഡിനൻസുകൾ പുറപ്പെടുവിക്കാൻ ഗവർണറോട് ശുപാർശ ചെയ്യാനാണ് മന്ത്രിസഭാ യോഗം തീരുമാനിച്ചത്.