വൻ നാശനഷ്ടം വിതച്ച് തെക്കൻ ജില്ലകളിൽ കനത്ത മഴ തുടരുന്നു

തിരുവനന്തപുരം വിഴിഞ്ഞം കെഎസ്ആർടിസി ഡിപ്പോയിൽ മരം ഒടിഞ്ഞു വീണു. സംഭവത്തിൽ ഒരാൾക്ക് പരുക്കേറ്റിട്ടുണ്ട്. നെയ്യാറ്റിൻകര കോടതി പരിസരത്ത് ഇപ്പോൾ വീടിന്റെ അതിർത്തിയിൽ നിന്ന മാവ് മരവും വീണ് മാരുതി ആൾട്ടോ 800 , ഇടറോഡിൽ നിന്ന ഇലക്ട്രിക് പോസ്റ്റ് വീണ് തകർന്ന മറ്റൊരു കാറും തകർന്നു.

കൊല്ലത്ത് ഓട്ടോറിക്ഷയുടെ മുകളിലേക്ക് മരംവീണ് ഒരു ഓട്ടോഡ്രൈവർ മരിച്ചു. അച്ചൻകോവിലിൽ സ്‌കൂളിൽ ലാബിന്റെ മുകളിലേക്ക് മരം ഒടിഞ്ഞു വീണു.

ഇന്നലെ വൈകീട്ട് 4 മണിക്ക് കടലിൽ പോയ മത്സ്യത്തൊഴിലാളികളിൽ പലരും ഇതുവരെ തിരിച്ചെത്തിയിട്ടില്ല. മത്സ്യത്തൊഴിലാളികൾ 48 മണിക്കൂർ നേരത്തേക്ക് കടലിൽ പോകരുതെന്നു നിർദ്ദേശം നൽകിയിട്ടുണ്ട്.

അതേസമയം, ഓഖി ചുഴലിക്കാറ്റ് ലക്ഷദ്വീപ് തീരത്തേക്ക് നീങ്ങി.

heavy rain causes massive destruction in southern kerala