പരിധി വിട്ട് വായ്പ അനുവദിച്ചെന്ന ആരോപണത്തിൽ ടി.പി സെൻകമാറിനെതിരായ വിജിലൻസ് കേസ് റദ്ദാക്കി

പരിധി വിട്ട് വായ്പ അനുവദിച്ചെന്ന ആരോപണത്തിൽ ടി.പി സെൻകമാറിനെതിരായ വിജിലൻസ് കേസ് ഹൈക്കോടതി റദ്ദാക്കി. സെൻകുമാർ കെടിഡിഎഫ്സി മാനേജിംഗ് ഡയറക്ടറായിരിക്കെ 20 കോടിയുടെ ലോൺ അനുവദിച്ചത് ക്രമവിരുദ്ധമാണന്ന് ചൂണ്ടിക്കാട്ടിയാണ് വിജിലൻസ് കേസെടുത്തത് . വിരമിച്ച ശേഷമായിന്നു വിജിലൻസിന്റെത്വരിത പരിശോധന .സെൻകുമാർ സർവ്വീസിലിരിക്കെ ഇതേ ആരോപണത്തിൽ 3 പരിശോധനകൾ നടന്നിരുന്നു. ഒരു പരാതിയിൽ കോടതി സെൻകുമാറിനെ കുറ്റവിമുക്തനാക്കിയിരുന്നു .തനിക്കെതിരായ കേസ് രാഷ്ടീയ പ്രേരിതമാണെന്നും റദ്ദാക്കണമെന്നും ആവശ്യപ്പെട്ടാണ് സെൻകുമാർ കോടതിയെ സമീപിച്ചത്. സെൻകുമാറിനെതിരായ കേസ് ദുരുദ്ദേശ പരമെന്ന് ഹൈക്കോടതി അഭിപ്രായപ്പെട്ടു.