അമർനാഥ് ആക്രമണം നടത്തിയ മുഴുവൻ തീവ്രവാദികളെയും വധിച്ചതായി റിപ്പോർട്ട്

അമർനാഥിൽ ഭീകരാക്രമണം നടത്തിയ മുഴുവൻ തീവ്രവാദികളെയും വധിച്ചതായി റിപ്പോർട്ട്. ജമ്മുകശ്മീർ ഡി.ജി.പി എസ്.പി വെയ്ദ് ട്വിറ്റർ വഴി അറിയിച്ചതാണ് ഇക്കാര്യം.

അബൂ ഇസ്മാഈലിന് ശേഷം അബൂ മാവിയ, ഫുർഖാൻ, യാവർ എന്നിങ്ങനെഅമർനാഥ് അക്രമി സംഘത്തിലെ മുഴുവൻ പേരെയും തുടച്ചു നീക്കിയിരിക്കുന്നു അദ്ദേഹം ട്വീറ്റു ചെയ്തു.

കഴിഞ്ഞ ജൂലൈയിലാണ് അമർനാഥ് തീർഥാടകർ സഞ്ചരിച്ച ബസിനു നേരെ ആക്രമണം ഉണ്ടാവുന്നത്. ഏഴ് തിർഥാടകർ കൊല്ലപ്പെടുകയും 15 പേർക്ക് പരുക്കേൽക്കുകയും ചെയ്തിരുന്നു.

all terrorists behind amarnath attack killed