വിദ്യാര്‍ത്ഥിനിയെ പീഡിപ്പിച്ച സംഭവം; അധ്യാപകന്‍ മുന്‍കൂര്‍ ജാമ്യം തേടി

അരുവിത്തുറ സെന്റ് ജോർജ് കോളജിലെ വിദ്യാർത്ഥിനിയെ പീഡിപ്പിച്ചെന്ന കേസിൽ അധ്യാപകൻ ഹൈക്കോടതിയിൽ
മുൻകൂർ ജാമ്യം തേടി. അധ്യാപകന് ജാമ്യം അനുവദിക്കരുതെന്നും ആരോഗ്യ പരിശോധന നടത്തേണ്ടതുണ്ടെന്നും പൊലീസ് കോടതിയിൽ വിശദീകരണ പത്രികയിൽ ആവശ്യപ്പെട്ടു . അന്വേഷണത്തിന്റെ ഭാഗമായി മൊബൈൽ ഫോൺ പരിശോധിക്കേണ്ടതുണ്ടെന്നും പൊലീസ് വ്യക്തമാക്കി . കോളജിലെ ഇംഗ്ലീഷ് വിഭാഗം അധ്യാപകൻ അതേ ഡിപ്പാർട്മെന്റിലെ വിദ്യാർത്ഥിനിയെ പീഡിപ്പിച്ചെന്നാണ് പരാതി  വിദ്യാർത്ഥിനിയെ അധ്യാപകൻ വീട്ടിലും ഫ്ലാറ്റിലും കൊണ്ടുപോയി പീഡിപിച്ചെന്നാണ് ആരോപണം. പരാതി തനിക്കെതിരായ ഗൂഡാലോചന ആണെന്നും കോളജിലെ അധ്യാപകർക്ക് തന്നോട് ശത്രുത ഉണ്ടെന്നുമാണ് അധ്യാപകന്റെ ആരോപണം. ഹർജി കോടതി ചൊവ്വാഴ്ച പരിഗണിക്കും