മുന്നണിമാറ്റം ജെഡിയു അറിയിച്ചിട്ടില്ലെന്ന് ഹസ്സന്‍

യുഡിഎഫ് മുന്നണി വിട്ട് ഇടത് മുന്നണിയിലേക്ക് പോകുന്നതിനെ കുറിച്ച് ജെഡിയു ഔദ്യോഗികമായി അറിയിച്ചിട്ടില്ലെന്ന് കെപിസിസി അധ്യക്ഷന്‍ എം.എം ഹസ്സന്‍. മുന്നണി മര്യാദ അനുസരിച്ച് അതേ കുറിച്ച് ഔദ്യോഗികമായി മുന്നണിയെ അറിയിക്കേണ്ട കടമ ജെഡിയുവിനുണ്ട്. അത് അവര്‍ അറിയിക്കുമായിരിക്കും. അതിന് ശേഷം മാത്രമേ ഈ വിഷയത്തെ കുറിച്ച് സംസാരിക്കൂ എന്നും ഹസ്സന്‍ പറഞ്ഞു. യുഡിഎഫ് മുന്നണിയില്‍ നിന്ന് പാര്‍ട്ടിക്ക് നേട്ടമൊന്നും ഉണ്ടാക്കാന്‍ കഴിയില്ലെന്നതിനാലാണ് മുന്നണി മാറ്റമെന്ന് വീരേന്ദ്രകുമാര്‍ നേരത്തേ പറഞ്ഞിരുന്നു.