ഹാദിയ കേസ് ഇന്ന് വീണ്ടും കോടതിയില്‍

ഹാദിയ കേസ് ഇന്ന് വീണ്ടും സുപ്രീംകോടതിയില്‍. ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് കേസ് പരിഗണിക്കുക. ഹാദിയ വീട്ടില്‍ നിന്ന് മാറിയത് ശേഷം ആദ്യമായാണ് ഇന്ന് കേസ് പരിഗണിക്കുന്നത്. കഴിഞ്ഞ നവംബര്‍ ഇരുപത്തിയേഴിനാണ് സുപ്രീംകോടതി ഹാദിയയെ തുടര്‍പഠനത്തിന് കോയമ്പത്തൂരിലേക്ക് അയച്ചത്. രണ്ട് മാസത്തെ ഇടവേളയ്ക്ക് ശേഷമാണ് കേസ് പരിഗണിക്കുന്നത്. വിവാഹം റദ്ദ് ചെയ്തതിനെതിരെ ഷെഫിന്‍ ജഹാന്‍ നല്‍കിയ ഹര്‍ജിയാണ് ഇന്ന് പരിഗണിക്കുന്നത്. മൂന്നംഗ ബെഞ്ചാണ് കേസ് പരിഗണിക്കുക. സേലത്തെ ശിവരാജ് ഹോമിയോപതി മെഡിക്കല്‍കോളജില്‍ ഹൗസ് സര്‍ജന്‍സി ചെയ്യുകയാണ് ഹാദിയ.