ഇന്ന് പണിമുടക്ക്; സ്വകാര്യ വാഹനങ്ങൾ തടയില്ല

പെട്രോൾ – ഡീസൽ വില വർദ്ധനയിൽ പ്രതിഷേധിച്ച് ഇന്ന് സംസ്ഥാനത്ത് മോട്ടോർ വ്യവസായ സംരക്ഷണ സമിതിയുടെ നേതൃത്വത്തിൽ നടക്കുന്ന വാഹന പണിമുടക്ക് ആരംഭിച്ചു.സര്‍വകലാശാല പരീക്ഷകള്‍ മാറ്റിയെങ്കിലും പിഎസ്‌സി പരീക്ഷകള്‍ മുടക്കമില്ലാതെ നടക്കും.  ഓട്ടോ ടാക്സികള്‍ക്ക് പുറമെ ചരക്കുലോറികളും സ്വകാര്യബസുകളും പണിമുടക്കില്‍ പങ്കെടുക്കും.

ബിഎംഎസ് ഒഴികെയുള്ള ട്രേഡ് യൂണിയനുകൾ സമരത്തിൽ പങ്കെടുക്കുന്നുണ്ട്. രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. കെഎസ് ആർടിസി ബസ്സുകളും നിരത്തിൽ ഇറങ്ങിയിട്ടില്ല. സ്വകാര്യ വാഹനങ്ങൾ തടയില്ലെന്ന് ഐഎൻടിയുസി അറിയിച്ചിട്ടുണ്ട്.