രാഷ്ട്രപതിയുടെ നയപ്രഖ്യാപന പ്രസംഗം ബഹിഷ്‌കരിച്ച് ആം ആദ്മി എംപിമാര്‍

ഇരട്ടപദവി വഹിച്ചെന്ന ആരോപണത്തിന്റെ പേരില്‍ 20 ആം ആദ്മി എംഎല്‍എമാരെ അയോഗ്യരാക്കിയ നടപടിയില്‍ പ്രതിഷേധിച്ച് പാര്‍ട്ടിയിലെ എംപിമാര്‍ രാഷ്ട്രപതിയുടെ നയപ്രഖ്യാപന പ്രസംഗം ബഹിഷ്‌കരിച്ചു. പാര്‍ലമെന്റ് ബജറ്റ് സമ്മേളനത്തിന് ആരംഭം കുറിച്ചുള്ള രാഷ്ട്രപതിയുടെ നയപ്രഖ്യാപന പ്രസംഗ സമയത്താണ് ആം ആദ്മി എംപിമാര്‍ പ്രതിഷേധിച്ച് ഇറങ്ങിപോയത്. ലോക്സഭാംഗങ്ങൾ ആയ സദ്ദു സിംഗ്, ഭഗ്‌വന്ത് മൻ രാജ്യസഭാ എംപിമാരായ സഞ്ജയ് സിംഗ്, സുശീൽ ഗുപ്ത, എൻ.ഡി.ഗുപ്ത എന്നിവരാണ് പ്രതിഷേധമറിയിച്ച് നയപ്രഖ്യാപന പ്രസംഗം ബഹിഷ്കരിച്ചത്. പാർലമെന്‍റിന്‍റെ മുന്നിലുള്ള ഗാന്ധിപ്രതിമയ്ക്കു സമീപമെത്തി, തെരഞ്ഞടുപ്പു കമ്മീഷൻ നടപടിക്കെതിരെ മുദ്രാവാക്യം മുഴക്കിയ ശേഷം ഇവർ മടങ്ങുകയായിരുന്നു.