ചെങ്ങന്നൂരില്‍ വിഷ്ണുനാഥ് മത്സരിക്കില്ല

ചെങ്ങന്നൂര്‍ ഉപതിരഞ്ഞെടുപ്പില്‍ മത്സരിക്കാനില്ലെന്ന് പി.സി വിഷണുനാഥ്. ഇക്കാര്യം വിഷ്ണുനാഥ് കോണ്‍ഗ്രസ് നേതൃത്വത്തെ അറിയിച്ചതായും റിപ്പോര്‍ട്ടുകളുണ്ട്. കോണ്‍ഗ്രസിനുവേണ്ടി വിഷ്ണുനാഥായിരിക്കും ചെങ്ങന്നൂരില്‍ ജനവിധി തേടുകയെന്ന് നേരത്തേ റിപ്പോര്‍ട്ടുകളുണ്ടായിരുന്നു. ചെങ്ങന്നൂരില്‍ സിപിഎമ്മിന്റെ എംഎല്‍എ കെ.കെ രാമചന്ദ്രന്റെ മരണത്തെ തുടര്‍ന്നാണ് ഉപതിരഞ്ഞെടുപ്പ് നടക്കുന്നത്. കര്‍ണാടകത്തിലെ ചുമതല ഉള്ളതിനാലാണ് തിരഞ്ഞെടുപ്പില്‍ മത്സരിക്കാത്തതെന്ന് വിഷ്ണുനാഥ് പറഞ്ഞു.