കര്‍ണാടകയില്‍ 150 സീറ്റുകള്‍ ബിജെപി നേടും; രാഹുല്‍ ഗാന്ധിയെ ‘കുട്ടി’ എന്ന് അഭിസംബോധന ചെയ്ത് യെദിയൂരപ്പ

കര്‍ണാടകയില്‍ രാഷ്ട്രീയ പോര് മുറുകുന്നു. നിയമസഭാ തിരഞ്ഞെടുപ്പ് അടുത്തിരിക്കെ കര്‍ണാടകയുടെ തിരഞ്ഞെടുപ്പ് പോര്‍ക്കളം ചൂടുപിടിക്കുന്നു. തിരഞ്ഞെടുപ്പ് പ്രചാരണ പരിപാടികള്‍ക്കിടെ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ ‘കുട്ടി’ എന്ന് വിളിച്ചാണ് കര്‍ണാടകയിലെ ബിജെപി അധ്യക്ഷന്‍ പ്രസംഗിച്ചത്. തിരഞ്ഞെടുപ്പില്‍ കര്‍ണാടകയുടെ മുഖ്യമന്ത്രി സ്ഥാനാര്‍ഥിയാണ് യെദിയൂരപ്പ. രാഹുല്‍ ഗാന്ധിയെ കുട്ടി എന്ന് വിളിച്ച് പ്രസംഗിച്ച യെദിയൂരപ്പ വരുന്ന തിരഞ്ഞെടുപ്പില്‍ ബിജെപി കര്‍ണാടകയില്‍ 150 സീറ്റുകള്‍ നേടുമെന്നും പറഞ്ഞു. 225 നിയമസഭാ സീറ്റുകളാണ് കര്‍ണാടകയില്‍ ഉള്ളത്.