ഇപിഎഫ് പലിശ കുറച്ചു

നടപ്പ് സാമ്പത്തിക വര്‍ഷത്തെ ഇപിഎഫ് പലിശ 8.55ശതമാനമാക്കി കുറച്ചു. മുന്‍വര്‍ഷം ഇത് 8.65ശതമാനമായിരുന്നു. അഞ്ച് വര്‍ഷത്തെ കുറഞ്ഞ പലിശയാണ് ഇത്. ബുധനാഴ്ച ചേര്‍ന്ന സെന്‍ട്രല്‍ ബോര്‍ഡ് ഓഫ് ട്രസ്റ്റീസിന്റെ യോഗത്തിലാണ് പലിശ നിരക്ക് കുറയ്ക്കാന്‍ തീരുമാനിച്ചത്. ഇ.പി.എഫ്. അക്കൗണ്ടുകള്‍ കൈകാര്യം ചെയ്യുന്നതിന് സ്ഥാപനങ്ങള്‍ നല്‍കേണ്ട അഡ്മിനിസ്‌ട്രേറ്റീവ് ചാര്‍ജ് 0.65 ശതമാനത്തില്‍നിന്ന് അര ശതമാനമായി കുറയ്ക്കാനും ഇ.പി.എഫ്. ട്രസ്റ്റ് തീരുമാനിച്ചു.