വിവാഹ തലേന്ന് പ്രതിശ്രുത വരന്‍ പീഡനക്കേസില്‍ അകത്ത്; സംഭവം കണ്ണൂരില്‍

വിവാഹത്തലേന്ന് വരനെ പീഡനക്കേസിൽ പോലീസ് പൊക്കി. കണ്ണൂരിലെ പാനൂരിലാണ് സംഭവം. പതിനേഴ് വയസുകാരിയായ പ്ലസ് ടു വിദ്യാർഥിനിയെ നഗ്നചിത്രം കാട്ടി പീഡിപ്പിച്ച കേസിലാണ് യുവാവ് അകത്തായത്. അതോടെ ഇന്ന് നടക്കേണ്ടിയിരുന്ന വിവാഹത്തില്‍ നിന്ന് പെണ്‍ വീട്ടുകാര്‍ പിന്മാറി. പോക്സോ വകുപ്പ് പ്രകാരമാണ് യുവാവിന് എതിരെ പോലീസ് കേസ് എടുത്തത്. പെൺകുട്ടിയെ പീഡിപ്പിച്ചുവെന്ന് യുവാവിനെതിരേ പരാതി കിട്ടിയതോടെ കൊളവല്ലൂർ പോലീസ് അറസ്റ്റ് ചെയ്യുകയായിരുന്നു.  കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.