പൂഞ്ചിൽ പാക് ഷെൽ ആക്രമണം : രണ്ടു ഇന്ത്യൻ സേനാംഗങ്ങൾക്ക് പരിക്ക്

പൂഞ്ചിൽ നിയന്ത്രണ രേഖയിൽ പാകിസ്ഥാൻ സൈന്യം നടത്തിയ കനത്ത മോർട്ടാർ ഷെൽ ആക്രമണത്തിൽ രണ്ടു ഇന്ത്യൻ സേനാംഗങ്ങളും ഒരു സാധാരണ പൗരനും പരിക്കേറ്റു. ഇന്ത്യൻ സൈന്യം നടത്തിയ ആക്രമണത്തിൽ രണ്ടു പാക് സൈനികർ മരിച്ചു. രാജൗടി പട്ടണത്തിലെ നൗഷേറയിലും കനത്ത ഷെൽ ആക്രമണം ഉണ്ടായി.

സുന്ദർബനി, നൗഷേറ, ഖൗർ സെക്ടറുകളിലും ജമ്മു ജില്ലകളിലും ഇന്നലെയും പാക് വെടി വയ്പ്പുണ്ടായിരുന്നു. സുന്ദർബനിയിൽ രാത്രിയിലാണ് ഷെല്ലിങ് നടന്നതെന്നും ഇതേ തുടർന്ന് കാട്ടു തീ ഉണ്ടായെന്നും രാജൗടി ഡെപ്യൂട്ടി കമ്മീഷണർ ഇക്ബാൽ ചൗധരി പറഞ്ഞു. നൗഷേറ പട്ടണത്തിലും ഷെല്ലുകൾ വന്നു പതിച്ചു.