എംപി സ്ഥാനം ആവശ്യപ്പെട്ടിട്ടില്ല; വെള്ളാപ്പള്ളി

തുഷാറോ ബിഡിജെഎസോ രാജ്യസഭാ സീറ്റ് ആവശ്യപ്പെട്ടിട്ടില്ലെന്ന് വെള്ളാപ്പള്ളി നടേശന്‍ മാധ്യമങ്ങളോട്. എംപി സ്ഥാനത്തേക്ക് തുഷാറിനേക്കാള്‍ യോഗ്യന്‍ മുരളീധരന്‍ തന്നെയാണ്. സ്ഥാനമാനങ്ങള്‍ക്കു വേണ്ടി ബിഡിജെഎസ് ആരോടും വാശിപിടിച്ചിട്ടില്ലെന്നും വെള്ളാപ്പള്ളി വാര്‍ത്താസമ്മേളനത്തില്‍ പറഞ്ഞു. അതേ സമയം, സംസ്ഥാനത്ത് എന്‍ഡിഎയുടെ ഏകോപനവും പ്രവര്‍ത്തനങ്ങളും ശരിയായ ദിശയിലല്ലെന്നും വെള്ളാപ്പള്ളി കുറ്റപ്പെടുത്തി. ചെങ്ങന്നൂരിലെ ഉപതിരഞ്ഞെടുപ്പിനെ കുറിച്ച് ചോദിച്ചപ്പോള്‍ ഫലം കാത്തിരുന്ന് കാണാം എന്നായിരുന്നു വെള്ളാപ്പള്ളി നടേശന്റെ മറുപടി. എന്നാല്‍, ചെങ്ങന്നൂരില്‍ എല്ലാവര്‍ക്കും ഒരുപോലെ വിജയപ്രതീക്ഷകള്‍ ഉണ്ടെന്നായിരുന്നു തുഷാര്‍ വെള്ളാപ്പള്ളി മാധ്യമങ്ങളോട് പ്രതികരിച്ചത്.