വിഷുവിന് അധിക സർവീസുമായി കെഎസ്ആർടിസി

വിഷു, അംബേദ്ക്കർ ജയന്തി അവധി ദിവസങ്ങളോടനുബന്ധിച്ച് മൈസൂർ, ബെംഗളൂരു എന്നിവിടങ്ങളിലേക്കും തിരിച്ചും അധിക സർവീസ് നടത്തും. ഏപ്രിൽ 11 മുതൽ ഏപ്രിൽ 17 വരെയാണ് അധിക സർവീസ് നടത്തുക. യാത്രക്കാർക്ക് ഓൺലൈൻ വഴി റിസർവേഷൻ നടത്താനും സൗകര്യമുണ്ട്.

ബസുകളുടെ സമയവിവരവും റിസർവേഷൻ സംബന്ധിച്ച കാര്യങ്ങളും ഔദ്യോഗിക വെബ്‌സൈറ്റായ www.skrtconline.com ൽ ലഭ്യമാണ്.

ഇതിനുപുറമെ യാത്രക്കാരുടെ തിരക്ക് കണക്കിലെടുത്ത് ബെംഗളൂരുവിൽ നിന്ന് കേരളത്തിലെ വിവിധ സ്ഥലങ്ങളിലേക്ക് ഏത് സമയത്തും സർവീസ് നടത്തുന്നതിന് പ്രത്യേക സൗകര്യവും ഒരുക്കിയിട്ടുണ്ട്.